Kal tak mujhko gaurav tha,
Main Ishwar ki hoon santaan,
Aaj magar hoon aadha jaanwar,
Aaj hoon main aadha insaan.

Kal tak meri dhadkan sundar
jeevan raag sunati thi,
Lekin aaj hai mere ang ang mein,
Jaise thanda ek shamshaan,

Kaun pukaara kaun Pukaara,
Dekho sab kuch badal gaya,
Koi peeche choot gaya hai,
Koi aage nikal gaya,

Teri lagai aag ke naag hai jo,
Lipte huve mere tan se,
Pairon Se Aur hatho Se,
Aur Seene Se Aur Gardan Se..

Dharti ki aankhen bheegi hai,
Aur ambar bhi rota hai,
Duniya mein koi sab paata hai,
Aur koi sab kuch khota hai...

Jharne ho nadiyaan ya sagar,
Sab hai paani ke dhaare,
Lekin in aankhon ke aasoon,
Jaise hai pighle angaare,

Cheekh rahi hai saari dishayen,
Koi disha khaamosh nahin,
Dosh nahin hai tera lekin,
Phir bhi tu nirdosh nahin,

Doob na jaaye duniya teri,
Aasoo-on ki is baarish mein,
Lagta hai tere dil aur aankhen,
Dono hai is saazish mein..

Kaash na hoti teri chandan aur chandni,
aur na hoti mere dil mein dhadkan,
Na garajte ye badal hote,
Na hota tera anjaanapan.

Na har pal mein hoti tadpan,
Na maangta yeh pyaar toofan,
Kaash main ho jaaoo poora janwar,
Na rahoon main aadha insaan